Tag Archives: Music

Dhaian Nadian Da Punjab (ਢਾਈਆਂ ਨਦੀਆਂ ਦਾ ਪੰਜਾਬ) eBook

by

Dhaian Nadian Da Punjab
Sangtar’s Dhaian Nadian Da Punjab (ਢਾਈਆਂ ਨਦੀਆਂ ਦਾ ਪੰਜਾਬ) eBook is now available for download. Please use the links below.
1. Click Here to download from iTunes
2. Click Buy Now link for other devices.
buy

If you have any question about our publications please contact us.

ਉਡਾਰੀਆਂ

by

ਕੀ ਕਵੀਆਂ ਦੀਆਂ ਉਡਾਰੀਆਂ
ਬਸ ਉਡਣੇ ਦਾ ਪਰਿਆਸ

ਨਾ ਰੁੱਖ ਉੱਤੇ ਆਲ੍ਹਣਾ
ਨਾ ਜੰਗਲ ਵਿੱਚ ਵਾਸ

ਅਸਲੀ ਕਵਿਤਾ ਪੰਛੀ ਲਿਖਦੇ
ਲਫਜ਼ ਫੁੱਲਾਂ ਤੋਂ ਹੌਲ਼ੇ
ਪਿਆਰ ਸੁਨੇਹੇ ਗ਼ਮ ਦੀਆਂ ਹੂਕਾਂ
ਵਿੰਨ੍ਹਦੀਆਂ ਜੇ ਕੋਈ ਗੌਲ਼ੇ

-ਸੰਗਤਾਰ

ਚਲੋ ਜੀ! ਚੱਲੀ ਜਾਂਦਾ

by


ਜਿਸ ਨੂੰ ਪੁੱਛੋ ਨਸ਼ਿਆਂ ਨੂੰ ਉਹ ਕੋਹੜ ਕਹੇਗਾ
ਗਾਲ਼ੀ ਇਹਨਾਂ ਜਵਾਨੀ ਦੇ ਕੇ ਜ਼ੋਰ ਕਹੇਗਾ
ਪਰ ਰਾਤ ਨੂੰ ਹਰ ਕੋਈ ਹੋ ਕੇ ਘਰ ਨੂੰ ਟੱਲੀ ਜਾਂਦਾ
ਜਦ ਪੁੱਛੋ ਹੱਸ ਕੇ ਕਹਿਣ ਚਲੋ ਜੀ! ਚੱਲੀ ਜਾਂਦਾ…

ਜਿਸ ਅਫਸਰ ਨੂੰ ਮਿਲ਼ੋ ਉਹ ਮੱਦਦਗਾਰ ਬੜਾ ਏ
ਨਾ ਉਹ ਰਿਸ਼ਵਤਖੋਰ ਯਾਰਾਂ ਦਾ ਯਾਰ ਬੜਾ ਏ
ਪਰ ਲੋਕੀਂ ਕਹਿਣ ਕਿ ਕਬਜ਼ੇ ਰੋਜ਼ ਦਬੱਲੀ ਜਾਂਦਾ
ਜਦ ਪੁੱਛੋ ਹੱਸ ਕੇ ਕਹਿਣ ਚਲੋ ਜੀ! ਚੱਲੀ ਜਾਂਦਾ…

ਆਪ ਜੀਹਦੇ ਗਲ਼ ਬਾਹਾਂ ਦਾ ਨਿੱਤ ਹਾਰ ਏ ਪੈਂਦਾ
ਆਸ਼ਕ ਲੋਕਾਂ ਦਾ ਉਹ ਵੈਰੀ ਬਣ ਬਣ ਬਹਿੰਦਾ
ਫੜ ਲਏ ਫੜ ਲਏ ਪਾਉਂਦਾ ਪਿੰਡ ਤ੍ਰਥੱਲੀ ਜਾਂਦਾ
ਜਦ ਪੁੱਛੋ ਹੱਸ ਕੇ ਕਹਿਣ ਚਲੋ ਜੀ! ਚੱਲੀ ਜਾਂਦਾ…

ਸੱਚੀ ਗੱਲ ਕਿ ਪਿਆਰ ਦੀ ਕਿੱਧਰੇ ਥੋੜ ਨਹੀਂ ਏ
ਸੋਲ਼ਾਂ ਆਨੇ ਸਹੀ ਹੋਣ ਦੀ ਲੋੜ ਨਹੀਂ ਏ
ਗੱਲ ਸੰਗਤਾਰ ਇਹ ਚੁੱਕੀ ਕਿਉਂ ਕੁਵੱਲੀ ਜਾਂਦਾ
ਜਦ ਪੁੱਛੋ ਹੱਸ ਕੇ ਕਹਿਣ ਚਲੋ ਜੀ! ਚੱਲੀ ਜਾਂਦਾ…

-ਸੰਗਤਾਰ

ਘਾਲ਼ਾ-ਮਾਲ਼ਾ

by

Ghala Mala

ਰੌਸ਼ਨੀਆਂ ਦੇ ਨਾਂ ‘ਤੇ ਘਾਲ਼ਾ ਮਾਲ਼ਾ ਹੁੰਦਾ ਏ
ਸੂਰਜ ਦੇ ਗਲ਼ ਲੱਗ ਕੇ ਸੂਰਜ ਕਾਲ਼ਾ ਹੁੰਦਾ ਏ

ਇੱਕ ਤਾਂ ਟੋਏ ਦੇ ਵਿੱਚ ਕਾਹਲ਼ੀ ਕਰ ਕੇ ਡਿਗਦਾ ਏ
ਕੱਢਣ ਵਾਲ਼ਾ ਉਸ ਤੋਂ ਬਾਹਲ਼ਾ ਕਾਹਲ਼ਾ ਹੁੰਦਾ ਏ

ਵਕਤ ਵਿੱਚ ਵੀ ਟੋਏ ਹੁੰਦੇ ਸਮਝ ਨਾ ਏਨੀ ਸੀ
ਕਈ ਸਾਲਾਂ ਦੀ ਹੱਦ ਦੁਆਲ਼ੇ ਖਾਲ਼ਾ ਹੁੰਦਾ ਏ

ਕੁੱਝ ਦਿਨਾਂ ਦੇ ਮਹਿਲਾਂ ਮੂਹਰੇ ਪਹਿਰੇ ਹੁੰਦੇ ਨੇ
ਕੁੱਝ ਦਿਨਾਂ ਦੇ ਬੂਹੇ ਉੱਤੇ ਤਾਲ਼ਾ ਹੁੰਦਾ ਏ

ਸਰਦੀ ਨਾਲ਼ ਹੀ ਸੜ ਕੇ ਰੂਹ ਵੀ ਕੋਲਾ ਹੋ ਜਾਂਦੀ
ਤਨਹਾਈ ਦੀ ਰੁੱਤੇ ਐਸਾ ਪਾਲ਼ਾ ਹੁੰਦਾ ਏ

ਇੱਕ ਤਾਂ ਮੂੰਹ ਨਾਲ਼ ਬੁਣਦਾ ਏ ਘਰ ਬੱਚੇ ਪਾਲਣ ਲਈ
ਇੱਕ ਦੇ ਘਰ ਵਿੱਚ ਹੂੰਝਣ ਵਾਲ਼ਾ ਜਾਲ਼ਾ ਹੁੰਦਾ ਏ

ਸਾਡੇ ਵੇਲੇ ਹਰ ਪਿੰਡ ਦੇ ਵਿੱਚ ਟੋਬਾ ਹੁੰਦਾ ਸੀ
ਅਜਕਲ ਹਰ ਪਿੰਡ ਗੰਦਗੀ ਵਾਲ਼ਾ ਨਾਲ਼ਾ ਹੁੰਦਾ ਏ।

-ਸੰਗਤਾਰ

Learn to Play Bansuri

by

Here is the entire series of lessons. Click Next to play the next video in the series. Or alternatively, view the playlist on YouTube.

sangtar.com > Music Theory > Musical Instruments